Cukup lama udah aku ninggal ke dunia blogger tu. Ketegal penanggul ba batang pengawa, aku nyau nadai ari ka nyengguk ke ruai aku tu. Amat enda berasai taun nyau beganti 2016.
Amat mayuh manis ngau pait dalam pengidup disepi aku sepemanjai aku ti bekerja ngelama tu. Ti bisi maya lepa bisi ga runding aku deka nulis alu bekunsi ke jerita aku nya.
Aku deka ngepun ke pengerindu aku nulis ngau madah ke pengaga ati ti udah nyingkang ngagai taun baru 2016 tu. Taja pan baru ba pun taun tang amat berasai lantang seput laban ti bisi beberapa iti pemedis ari taun 2015 nyau bebalik nyadi pengelantang penyenang aku ba taun tu.
Ngarap ke utai ti manah alu lekat besarang ba aku meh taun tu.
Selamat taun baru 2016.
No comments:
Post a Comment